Ғолибони фестивали “Таронаи сарбоз” муайян шуданд

0
482 просмотров

Дар театри давлатии тамошобини ҷавони ба номи Одилҷон Назаров Фестивал – озмуни сурудҳои ватандӯстонаи “Таронаи сарбоз” бахшида ба эълон гардидани Соли 2017 – Соли ҷавонон баргузор гардид. Дар фестивал — озмуни мазкур сардори Раёсати кор бо ҷавонон ва варзиши вилояти Суғд Олим Зоҳидзода, намояндагон аз комиссирияти ҳарбии вилоят, ҷавонон ва донишҷӯёни фаъоли донишгоҳҳои олӣ ва миёнаи касбии шаҳри Хуҷанд иштирок доштанд. Зикр гардид, ки ҳадаф аз доир намудани ин Фестивал – озмун баланд бардоштани ҳисси ватандӯстию ватанпарастии ҷавонон, худогоҳии ҷавонону аскарон, ҳавасмандгардонии сарбозони қисмҳои низомӣ ва бо ҳамин васила дур намудани онҳо аз корҳои номатлуб мебошад. Бояд қайд намуд, ки дар фестивал-озмун аз тарафи сарбозони қисмҳои низомии вилоят сурудҳои якка ва ҳамсароён дар мавзӯъҳои ватандӯстию ватанпарастӣ пешниҳод карда шуд. Дар фарҷоми фестивал – озмун аз тарафи Раёсати кор бо ҷавонон ва варзиши вилояти Суғд ба беҳтарин суруди якка ва ҳамсароён тӯҳфаҳои хотиравӣ ва ифтихорнома тақдим карда шуд.

 

Манбаъ: сомонаи расмии МИҲД-и Хуҷанд

Нет комментариев

Также рекомендуем

Номгузории тифлони навзод мутобиқи рӯйхат?

Кумитаи забон ва истилоҳоти назди ҳукумат дар ҳамдастӣ бо Академияи илмҳои Тоҷикистон рӯйхати ягонаи номҳои тоҷикиро мавриди таҳия қарор додаанд. Аз Вазорати адлияи ҷумҳурӣ дар ...