Олимон барои мӯй ранге кашф намуданд, ки тобиши худро тағйир дода меистад

0
920 просмотров

Ин рангро барои мӯй ширкати бритонёии The Unseen намоиш додааст. Маҷаллаи Forbes хабар медиҳад, ки дар ранги барои мӯй бо номи  Fire аз рангкунандаҳои термохромӣ истифода бурда шудааст, ки намуди худро дар ҳарорати паст ба ранги сиёҳ ва дар ҳарорати гарм ба ранги сурх, аз сиёҳ ба сафед, аз нуқрагун ба кабуд, аз кабуд ба сафед ё аз ранги сиёҳ ба зард иваз мекунад. Ин ранг барои мӯй устувор набуда, дар об зуд шуста мешавад, вале он барои мӯй ва пӯсти сар ягон зарар надорад.

Одатан пигментҳои термохромӣ заҳрнок буда, дар шакли муҳдуд истифода бурда мешаванд. Вале ба коркардчиёни The Unseen муяссар шуд, ки бо синтез намудани моддаҳои аналогии безарар аз ин мушкилот халос шаванд. Тағйирёбии ҳарорат спектори нури фурӯбурдашавандаро тағйир дода, молекулаҳоро маҷбур месозад, ки ин ё он конформатсияи фазоро ба худ қабул намоянд. Вобаста ба як ранги аниқи мӯй чунин ҳолат дар ҳарорати гуногун низ ба вуҷуд омада метавонад. Масалан, дар ҳарорати 15 дараҷа, ранги кабуди «сард» ба сафед ва ранги сафед ба ранги кабуди «сард» табдил меёбад. Рангҳои «гарм»-и сурх ва сиёҳ дар ҳарорати 31 дараҷа ба худ рангҳои якдигарро  гирифта метавонанд.

Ҳоло ранг барои мӯй бо номи Fire мунтазири ақидаи хулосавӣ баҳри баромадан дар истеҳсолот ва фурӯш мебошад. Бино бар ин, бисёр ҷузъиёти технологияҳои истифодашаванда дар офариниши чунин ранг барои мӯй аз ҷониби коркардчиён махфӣ нигоҳ дошта мешавад. Вале мувофиқи суханони асосгузори The Unseen хонум Лорен Боукер (Lauren Bowker), ширкат танҳо бо коркарди ин намуди маҳсулот маҳдуд намешавад. Яъне, коркард намудани боз як намуди ранге барои мӯй ба нақша гирифта мешавад, ки он дар зерри таъсири факторҳои дигари муҳит намуди худро ивазкарда метавонад. Ба ғайр аз ин, онҳо ба офаридани рангҳои устувори перманентӣ дар ҳамон сатҳи таъсирнокӣ умед доранд.

Нет комментариев

Также рекомендуем

%d такие блоггеры, как:

Сообщить об опечатке

Текст, который будет отправлен нашим редакторам: