Рио-2016 (21/08)

0
375 просмотров

ҲАМКОРИ ЛОИҲА IAMDIFFERENT:

iamdifferent211

Olá amigos. Дар аввал чанд хабари нав аз Бозиҳои олимпӣ.

dilshod2

Тавре иттилоъ дода будем, рӯзи гузашта Тоҷикистони соҳибистиқлол низ хушбахтона дар Бозиҳои 31-уми тобистонаи олимпӣ соҳиби медал шуд. Варзишгари маъруфи тоҷик, гурзандози машҳур Дилшод Назаров медали тилло бурд намуд. Дар таърихи даврони соҳибистиқлолии Тоҷикистон ин нахустин медали тиллои Олимпиада аст.

Дастаи мунтахаби Русия оид ба гандбол дар мусобиқаи ниҳоӣ дастаи Фаронсаро бо ҳисоби 22:19 мағлуб намуд.

Варзишгари Русия Александр Лесун дар намуди муосири панҷмарҳила ғалаба кард.

Дар намуди таэквандо дар вазни беш аз 80 кг Радик Исоев аз Озарбойҷон ғалаба ба даст овард. Дар мусобиқаи ниҳоӣ ӯ намояндаи Нигерия Абдулразоқ Юсуфро бо ҳисоби 6:2 мағлуб кард. Байни занон дар вазни то 67 кг варзишгар аз Хитой Чжэн Шуйин ғолиб дониста шуд.

Дар бозии мусобиқаи ниҳоӣ аз рӯи намуди муҳорибаи озод дар вазни то 86 кг Абдулрашид Саъдуллоев аз Русия варзигар Салим Яшарро аз Туркия мағлуб намуд.

Дар намуди бокс то 51 кг байни занон Никола Адамс аз Британия соҳиби медали тилло гардид. Дар вазни то 56 кг  Робеси Рамирез аз давлати Куба ғалаба ба даст овард.

Дастаи мунтахаби Бразилия дар бозии ниҳоӣ оид ба футбол бар дастаи Олмон бо ҳисоби 6:5 ғалаба кард. Дар вақти асосии бозӣ ҳисоб мусовӣ 1:1 гардид ва пас аз зарбаҳои ҷаримавӣ ҳисоб  6:5 ба фоидаи дастаи Бразилия шуд.

verchenova

Варзишгарзан аз Русия Мария Верчёнова дар Олимпиадаи соли -2016 дар Рио-де-Жанейро рекорди олимпӣ гузошт. Дар рӯзи чоруми мусобиқа аз рӯи намуди голф беҳтарин дониста шуд. Ӯ дар майдон 62 зарба анҷом дод. Ҳамзамон, зарбаи ба ном «хол-ин-уан»-ро ба ҷо овард.

Нӯҳ нафар варзишгарони Австралияро политсияи Рио-де-Жанейро ба озодӣ баровард. Ҳамаи онҳо барои сохтани аккредитатсия ба маблағи 10 ҳазор реали Бразилия ҷарима супориданд. Варзишгарон бо иҷозатномаи қалбакӣ хостанд ба мусобиқаи ниҳоии Олимпиадаи соли 2016 оид ба намуди баскетбол дар байни  Австралия ва Сербия ворид шаванд.

Президенти ИААФ Себастян Коэ барои барканор намудани варзишгарони Русия  аз иштирок дар Олимпиадаи соли 2016 таҳдидҳо мешунавад. Ба унвони ӯ номае бо забони русӣ расидааст.

Варзишгари Амрико дар намуди давидан дар масофаи 5 000 метр Пол Кипкемои Челимо аз медали нуқраи Бозиҳои олимпӣ дар Рио-де-Жанейро маҳрум шуд.

Дар рӯзи охирини Бозиҳои 31-уми тобистонаи олимпӣ 12 маҷмӯи медалҳо бурд карда мешаванд. Дастаи ИМА бо дастаи Русия аз рӯи намуди волейбол барои ба даст овардани медали биринҷӣ рақобат менамояд. Ҳамзамон, дар намуди гандбол дастаи Дания бо дастаи Фаронса мубориза мебарад. Бозии ниҳоӣ оид ба баскетбол дар байни дастаҳои Сербия ва ИМА сурат мегирад.

Ба ғайр аз ин, 2 маҷмӯи медал дар намуди бокс, 1 маҷмӯи медал дар гимнастикаи бадеӣ.

medalnyiy-zachyot3

Пас аз рӯзи понздаҳуми бозиҳо бо 43 медали тилло дар мақоми якум ИМА, дар ҷойи дуюм Британияи Кабир бо 27 медали тилло ва дар мақоми сеюм Хитой бо 25 медали тилло қарор доранд. Дар ҷойи чорум Русия бо 17 медали тилло мебошад. Қазоқистон дар мақоми 21-ум ва Тоҷикистон дар ҷойи 52-юм қарор доранд.

Хотиррасон менамоем, ки ҳамкори лоиҳа мағозаи “IAMDIFFERENT” аст.

Тамошо кардани Олимпиадаро идома медиҳем.

Хайр, то вохӯрии минбаъда!

Нет комментариев

Также рекомендуем

Февраль бьёт рекорд: сегодня будет 20 градусов тепла

Сегодня в республике ожидается  малооблачная погода, температура воздуха повысится до 20 градусов тепла. Об этом сообщили в Агентстве по гидрометеорологии Республики Таджикистан. В Горно-Бадахшанской автономной ...