Садамаи ҳавопаймо дар Алҷазоир

0
202 просмотров

Дар пайи суқути ҳавопаймои артиши Алҷазоир рӯзи 11 апрел дастикам 257 нафар ба ҳалокат расид.

Бино ба иттилои Радиои Озодӣ, дар дохили ҳавопаймое, ки дар наздикии фурудгоҳи Буфарик суқут кардааст, низомиён ҳузур доштанд. Дар миёни қурбониҳо инчунин 26 узви ҷабҳаи Полисарио буданд.

Гуфта мешавад, ин гурӯҳи низомӣ барои истиқлолияти Саҳрои Ғарбӣ аз Марокаш мубориза бурдааст. Ҳавопаймо чанд лаҳза баъди баланд шудан аз фурудгоҳи низомии Буфарик суқут кард.

Як хабаргузории расмӣ гуфтааст, ки ҳавопаймои сохти шӯравии Ил-76 ба самти шаҳри Башор, воқеъ дар ҷанубу ғарби Алҷазоир ҳаракат мекард. Феълан сабаби суқути ҳавопаймо маълум нест.

Зимнан зикр мегардад, ки Буфарик дар фосилаи 30-километрии пойтахт, шаҳри Алҷазоир ҷойгир аст.

Манбаъ: http://news.tj

Нет комментариев

Также рекомендуем