Сайре ба ноҳияи дурдасти Дарвоз

0
304 просмотров

Ноҳияи Дарвоз  — яке аз ноҳияҳои Вилояти Мухтори Кӯҳистони Бадахшон аст,ки дар шарқи Ҷумҳурии Тоҷикистон ҷой дорад.

Ин ноҳия 14 декабри соли 1930 бо номи ноҳияи Қалъаи Хумб таъсис ёфтааст. Бар асоси қарори № 318 Шӯрои Олии Тоҷикистон аз 26 июни 1991 номи бостонии он баргардонда ва ноҳияи Дарвоз номида шуд.

Маркази ин ноҳия шаҳраки Қалъаи Хумб аст,ки 241 км шимолтар аз шаҳри Хоруғ дар резишгоҳи рӯди Хумбоб ба рӯди Панҷ ҷой дорад.

Ноҳияи Дарвоз дар дараи рӯди Панҷ ва кӯҳсори Дарвоз ҷой дорад. Дар шимол бо ноҳияи Тавилдара аз ноҳияҳои тобеи ҷумҳурӣ, дар ғарб ва ҷанубу ғарб — бо ноҳияҳои Ховалинг, Мӯъминобод ва Шӯрообод аз ноҳияҳои вилояти Хатлон, дар шарқ – бо ноҳияи Ванҷ аз ноҳияҳои Вилояти Мухтори Кӯҳистони Бадахшон ва дар ҷануб – бо ноҳияиҳои вилояти Бадахшони Афғонистон Нусаи, Шекаи, Хвоҳон, Куф Об, ҳаммарз аст. Ноҳияи Дарвоз 2824,5 км кв масоҳат дорад.

Мардуми Дарвоз ба яке аз гӯишҳои забони тоҷикӣ сухан мегӯянд. Дар гӯиши дарвозӣ вижагиҳои забони порсии садаҳои IX — XIV ҳамчунон пойдоранд. Забони мардуми Дарвоз дар садаҳои пешин яке аз забонҳои эронии шарқӣ ва монанд ба забонҳои суғдӣ, балхӣ ва забонҳои помирӣ будааст, аммо дар садаҳои IX — XIV дарвозиён форсизабон гаштанд.

Нет комментариев

Также рекомендуем

Мусорная столица: заваленный пластиком остров

Исследователи показали «мусорную столицу» нашей планеты — остров Хендерсон, заваленный пластиковыми отходами. Институт морских и арктических исследований Австралии обнородовал видео на своем канале в YouTube. ...