Смарт-кӯрпаи Xiaomi Charpa Temperature Control Quilt

0
175 просмотров

Боз як ҷузиёт барои хона, Xiaomi таҳти краудфандинг-бренди MIJIA баромад. Ин даъфа ин смарт-кӯрпаи Charpa Temperature Control Quilt мебошад.

Ин моли универсалӣ буда, дорои функтсияи гарм ва хунуккунӣ мебошад. Яъне дар ҳавои гарм салқинӣ ва дар ҳавои сардӣ гармиро нигоҳ медорад.  Назорати ҳарорати муҳити атроф тавассути нахҳое амалӣ карда мешаванд, ки вобаста ба таъсири шароити беруна гармиро фурӯ мебаранд ё хориҷ мекунанд. Кӯрпаи «доно» 100 % аз пахта тайёр карда шудааст, ки ба ғайр аз иҷрои дигар функтсияҳо боз барои фурӯ бурдани намнокӣ низ қодир аст.

Кӯрпаи Charpa вобаста ба андоза ва вазнаш дар чор намуд дастрас карда мешавад. Аз ҳама варианти ихчами ин кӯрпа 1 килограмм вазн дорад, ки дарозиаш  1,5 метрро ташкил медиҳад ва нархи он наздики 75 доллар мебошад.

Варианти дигар ин кӯрпае, ки вазнаш 1,15 килограммро ташкил медиҳад ва дарозиаш 2 метр мебошад. Арзиши он 94 доллар аст. Варианти сеюм ин кӯрпае, ки 1,5 метр дарозӣ ва  2 килограмм вазн дошта, нархаш 115 доллар мебошад.

Кӯрпаи аз ҳама калон вазнаш 2,25килограмм ва дарозиаш 2 метр буда, бар ивази 121 доллар онро харидорӣ кардан мумкин аст. Ин намуди мол барои фурӯш дар мағозаи Mi Home дастрас буда, бурдарасонии кӯрпаи  Charpa Temperature Control Quilt аз санаи 29-уми сентябр оғоз меёбад.

Нет комментариев

Также рекомендуем