Тадқиқот: смайликҳо дар мукотиба одамонро нодон мекунанд

0
183 просмотров

Илман исбот карда шудааст, ки агар Шумо чӣ қадар бисёр ханда кунед, ҳамон қадар ба одамони зиёд маъқул мешавед. Вале мувофиқи тадқиқоти нав ин маънои онро надорад, ки бо смайлик ва дигар эмодзиҳо низ ҳолат чунин аст.

Ханда кунед – ин ҳамаро хашмгин мекунад

Тадқиқотчиёни Донишгоҳи Амстердам, Хайф ва Бен-Гурион дар Изроил фаҳмиданд, ки истифода бурдани смайликҳо дар мукотибаи расмии корӣ ҷоиз нест, зеро дар ин ҳол ҳамкор ё мизоҷ Шуморо дигар чун шахси ҷиддӣ қабул накарданаш мумкин ва ба муносибати кориатон чун муносибати оянда надошта назар карданаш мумкин.

«Новобаста аз он, ки ханда ба инсон таъсири мусбӣ мерасонад, вале мутобиқи маълумотҳои бадастовардаи мо смайликҳо дарки самимияти инсоро баланд намебардоранд. Балки баракс ҳисси шубҳаро дар салоҳияти Шумо бар меангезад. Дар мактубҳои расмӣ смайлик – ин ханда нест» – мегӯяд доктор Элла Гликсон аз донишгоҳи Бен-Гурион.

Тадқиқот чӣ гуна гузаронида шуд?

Дар доираи тадқиқот, ки дар маҷаллаи Social Psychological and Personality Science бо сарлавҳаи The Dark Side of Smiley ба чоп баромад, 549 нафар иштирокчӣ аз 29 давлатҳои ҷаҳон пурсиш иштирок карданд. Иштирокчиён мактубҳои кории электрониро аз одамони барояшон бегона хонда, салоҳияти онҳо ва дарки умумии онҳоро баҳогузорӣ намуданд. Инчунин баъзе мактубҳо дорои эмодзиҳо буданд ва баъзеҳояшон эмодзи надоштанд. Натиҷаи тадқиқот нишон дод, ки бар хилофи хандаи муқаррарӣ смайликҳо дар мактубҳо аз шабакаҳо ба дарки инсон ягон таъсири мусбӣ намерасонидаанд.

Мардҳо дар мукотиба смайликҳо намегузоранд

Далелан тадқиқотчиён исбот карданд, ки дар мактубҳои корӣ смайликҳо баракс ба дарки ҳамсӯҳбати шабакавӣ ё мукотибакунанда таъсири манфӣ мерасонидаанд. Инчунин тадқиқот нишон дод, ки муаллифи мактубҳои смайликдошта бештар занҳо будаанд, гарчанд ин мактубҳоро дар асл мардҳо ҳам навишта метавонистанд.

Гликсон илова мекунад, ки «гарчанде, ки одамон смайликҳоро чун хандаи вертуалӣ қабул кардан одат карда бошанд ҳам, вале натиҷаи ин тадқиқот

нишон медиҳад, ки дар муносибати корӣ смайликҳо аз тарафи одамон дигар хел қабул карда мешавад, яъне манфӣ».

Бе ханда мактуб ба ҳамагон беғараз менамояд

Ҳамин тавр, дар мукотиботи корӣ, махсусан бо одамони ношинос ё камшинос аз истифода бурдани смайликҳо дар мактубҳо худдорӣ намоед. Зеро он ба мавқеву мақоми кории Шумо таъсири манфӣ расонида метавонад.

Нет комментариев

Также рекомендуем

ДДХ: интихоби 58495 нафар довталаб

Тибқи маълумоти сомонаи Маркази миллии тестии назди Президенти Ҷумҳурии Тоҷикистон дар раванди бақайдгирии довталабон ба имтиҳоноти марказонидашудаи дохилшавӣ барои соли таҳсили 2015-2016, 58 495 нафар ...