Таъсиси Шӯрои вилоятӣ оид ба дарёфти истеъдодҳои ҷавон

0
887 просмотров

Қарори навбатии Раиси вилояти Суғд “Дар бораи таъсис додани Шӯрои илмӣ-машваратӣ оид ба дарёфти истеъдодҳо, навоварон ва ихтироъкорони ҷавон дар вилояти Суғд” ба тасвиб расид.

Тибқи қарори мазкур Шӯрои илмӣ-машваратӣ оид ба дарёфти истеъдодҳо, навоварон ва ихтироъкорони ҷавон дар вилояти Суғд таъсис дода шуда, ҳайат ва низомномаи Шӯро тасдиқ карда шудааст.

Хотирнишон бояд кард, ки ҷалби таваҷҷуҳи омӯзгорон, падару модарон ва хонандагон ҷиҳати дарёфт намудани истеъдодҳо, навоварон ва ихтироъкорони ҷавон ва ҳалли эҳтиёҷоту мушкилоти онҳо, ҳамоҳангсозии фаъолияти Раёсатҳо, шуъбаҳои маориф, марказҳои таҳсилоти иловагӣ, муассисаҳои таълимӣ, ташкилоту муассисаҳо, сохторҳо ва иттиҳодияҳои ҷамъиятӣ, шӯроҳои шаҳриву ноҳиявӣ оид ба дарёфт намудани истеъдодҳо, навоварон ва ихтироъкорони ҷавон  аз вазифаҳои асосии Шӯрои илмӣ-машваратӣ оид ба дарёфти истеъдодҳо, навоварон ва ихтироъкорони ҷавон дар вилояти Суғд маҳсуб меёбад.

Манбаъ: Хадамоти матбуоти Раиси вилояти Суғд

Нет комментариев

Также рекомендуем