Раиси нави шаҳри Хуҷанд муаррифӣ шуд

0
965 просмотров

Субҳи имрӯз, панҷшанбеи 31 март дар Мақомоти иҷроияи ҳокимияти давлатии шаҳри Хуҷанд бо баргузории як ҷаласа бо иштироки фаъолон и.в. раиси нави шаҳри Хуҷанд Шарифзода Шариф Файз муаррифӣ шуд.

Хотирнишон бояд кард, ки дирӯз, 30 март бо Фармонҳои Президенти Ҷумҳурии Тоҷикистон Раҷаббой Аҳмадзода бо сабаби ба кори дигар гузаштанаш аз вазифа озод ва ба ҷои ӯ Шарифзода Шариф Файз и.в раиси шаҳри Хуҷанд таъин гардид.

Зимни муаррифӣ Раиси вилояти Суғд Абдураҳмон Қодирӣ барои фаъолияти пурсамар ба ҳамакнун собиқ шаҳрдори Хуҷанд Раҷаббой Аҳмадзода изҳори сипос намуда, ба Шарифзода Шариф Файз дар иҷрои вазифаҳои хизматӣ барору комёбиҳо таманно намуд. Дар сӯҳбат бо фаъолон ва роҳбарияти шаҳр Раиси вилоят барои вусъати корҳои бунёдкорӣ, омодагиҳо ба истиқболи 25-солагии Истиқлолияти давлатии Ҷумҳурии Тоҷикистон, иҷрои нақшаи андоз, беҳтар намудани сифати оби нӯшокӣ ва дигар масоили мубрам дастуру супоришҳо дод.

Зимнан, Шарифзода Шариф Файз зодаи шаҳри Хуҷанд буда, 29 — апрели соли 1960 таваллуд шудааст. Соли 1977 ба Институти политехникии Тоҷикистон, факултаи сохтмони саноатӣ ва гражданӣ дохил шуда, соли 1982 онро бо ихтисоси муҳандис- сохтмончӣ хатм намудааст. Мавсуф дар вазифаҳои гуногун, аз ҷумла ҷонишини раиси шаҳри Хуҷанд(солҳои 1997-1999), раиси шаҳри Роғун (аз соли 2012 то 2016) фаъолият бурдааст.

Манбаъ: http://sugd.tj/

Хучанд

Нет комментариев

Также рекомендуем

Нигоҳубини пӯсти руй дар фасли баҳор.

Зан ва зебоӣ ба ҳамба ҳам риштаи ногусастани доранд. Шумо мехоҳед ҳамеша зебо, барно, дилрабову ҷозиб бошед ва ҳамеша худро ҷавон эҳсос намоед? Пас Шуморо ...