Нишасти хабарии Раиси вилоят Абдураҳмон Қодирӣ

0
470 просмотров

Рӯзи гузашта дар толори Боғи Ваҳдати миллӣ нишасти матбуотии Раиси вилояти Суғд Абдураҳмон Қодирӣ баргузор гардид, ки дар он 70 нафар журналистони расонаҳои гуногун иштирок намуданд. Сароғоз Раиси вилоят оид ба рушди иҷтимоию иқтисодии вилоят дар нимсолаи аввали соли 2016 маълумот дода, афзуд, ки имрӯзҳо сокинони вилоят бо мақсади дар сатҳи баланд таҷлил намудани 25-солагии Истиқлолияти давлатии Ҷумҳурии Тоҷикистон ва дар доираи 500 рӯзи меҳнати зарбдор ба корҳои бунёдкориву созандагӣ машғул ҳастанд. Иттилоъ дода шуд, ки дар нимсолаи аввал нақшаи даромадҳои буҷети давлатӣ ба андозаи 103,3 фоиз таъмин гардида, ба буҷет 698,5 млн сомонӣ ворид гардид. Суръати афзоиши соҳаи саноат дар шаҳру ноҳияҳо таъмин гардида, 53 корхонаи нави саноатӣ бо 1785 ҷойи нави корӣ ба фаъолият шурӯъ намуданд ва тибқи нақша теъдоди корхонаҳои нав то поёни сол ба 116 адад хоҳад расид. Дар ин давра ҳаҷми истеҳсоли маҳсулоти саноатӣ ба 2,8 миллиард сомонӣ расонида шуда, ба хориҷи кишвар ба миқдори 200 миллион доллари ИМА маҳсулот содирот шудааст. Дар қисмати саволу ҷавоб журналистон перомуни масоили гуногун саволҳо дода, аз Раиси вилоят посух гирифтанд

Манбаъ: http://sugd.tj/

Нет комментариев

Также рекомендуем