Дар доираи “1300 рӯзи меҳнати зарбдор”, ки ба истиқболи 30-солагии Истиқлолияти давлатии Ҷумҳурии Тоҷикистон эълон шудааст, дар вилояти Суғд корҳои ободониву бунёдкорӣ вусъати тоза пайдо намудааст.
Имрӯзҳо дар тамоми шаҳру ноҳияҳои вилояти Суғд корҳои ободониву кабудизоркунии маҳалли зист идома дошта, ҷиҳати анҷоми корҳо аз ҷониби роҳбарияти вилоят низ тадбирҳои мушаххас амалӣ карда мешавад. Чанде қабл аз кишвари Краснодари Федератсияи Россия 400 бех дарахтони нодиру ороишие чун “ардач”, “ардачи чинӣ”, “кипарис” ва навъҳои “туяи янтарӣ”, “туяи ғарбӣ” ва “туяи пирамидалӣ” ба вилоят ворид карда шуд.
Ниҳолҳои воридшуда барои ороиши гулгашту хиёбонҳои шаҳру ноҳияҳои вилоят истифода бурда мешавад. Аз ҷумла, чанде аз ин ниҳолҳо бо иштироки Раиси вилоят Раҷаббой Аҳмадзода дар саҳни бинои Мақомоти иҷроияи ҳокимияти давлатии вилоят шинонида шуд.
Хотирнишон бояд кард, ки бо қарори Раиси вилояти Суғд аз 14 марти соли 2018, №89 аз санаи 1 марти соли 2018 барои сазовор пешвоз гирифтани 30-солагии Истиқлолияти давлатии Ҷумҳурии Тоҷикистон “1300 рӯзи меҳнати зарбдор” эълон гардидааст.
Манбаъ: Хадамоти матбуоти Раиси вилояти Суғд
Нет комментариев