Бразилия ба даври 1/8 финали Ҷоми ҷаҳон роҳ ёфт

0
143 просмотров

Дар Ҷумҳурии Литва бозиҳои даври сеюми Чемпионати ҷаҳон оид ба футзал доир гардид. Дар ин давр мунтахаби Бразилия бар Панама зафар ёфта, яккачини Португалия бо миллипӯшони Марокаш ба мусовӣ расиданд.

Боизҳои даври сеюми Чемпионати ҷаҳон оид ба футзал доир гаштанд. Дар ин давр дар майдони “Швитурио Арена”-и Литва мунтахаби Бразилия бо яккачини Панама вориди рақобат шуда, бо ҳисоби 5:1 зафар ёфт. Дар қисми аввали бозӣ аввалиншуда Винисиус Роха ҳисоби бозиро кушод ва дар дақиқаҳои охири қисми аввал Гадея пешсафии дастаашро дуболо намуд. Қисми дуюми бозӣ ҳам бо бартарии миллипӯшони Бразилия оғоз шуд ва дар дақиқаи 29-ум ба Леонардо даст дод, ки ҳисоби бозиро 3:0 кунад. Голи ягонаи мунтахаби Панамаро дар дақиқаи 32-юм Моралес Маккуенси ба ҳадаф раоснид. Аммо то ба итмом расидани бозӣ Артур ва Пито як маротибаии дигар голзанӣ намуда, натиҷаи вохӯриро 5:1 намуданд. Бозии миёни мунтахабҳои Ветнам ва Чехия бо ҳисоби мусовии 1:1 ба анҷом расид.

Бозиҳои даври сеюм дар гурӯҳи “С” хеле ҷолибу диданӣ ва сергол сурат гирифтанд. Дар ин давр 2 мунтахаби муддаӣ барои баромадан аз гурӯҳ мунтахаби Португалия ва Марокаш бо ҳам рақобат карданд. Аввалин шуда ҳисоби бозиро миллипӯшони Марокаш бо кӯшиш Юсуф Жоад кушоданд. Аммо португалиҳо низ бо дугол сазовор ҷавоб гуфтанд. Муаллифони гол Фабио Сесилио ва Тяго Брито гаштанд. Ҳамин гуна қисми аввали бозӣ бо бартарияти Португалиҳо хотима ёфт. Дар оғози қисми дуюми бозӣ Аннас Ал Аянн голи навбатии Марокашро зада, мувозинатро дар бозӣ барқарор кард. Бозигари рақами 7 португалиҳо Бруно Коелё бо голи задааш дар дақиқаи 29-ум Португалияро боз пешсаф намуд. Нуқтаи охирро дар бозӣ ҳамлагари тими Марокаш Билол Баккали ба ҳадаф расонида ба мунтахабаш як имтиёз овард. Ҳамин тавр баъди сипарӣ шудани 3 давр мунтахаби португалия садрниши ҷадвали гурӯҳи “С” мебошад. Бозии дигари ин гурӯҳ миёни тимҳои мунтахаби Таиланд ва Ҷазираҳои Саламон бо ҳисоби бузурги 9:4 бар нафъи Саламониҳо хотима ёфт. Ҳамин тавр мунтахабҳои Португалия, Марокаш, Таиланд, Бразилия, Чехия ва Ветнам ба марҳилаи 1/8 финал сууд намуданд.

Манбаъ: varzishtv.tj

Нет комментариев

Также рекомендуем

Сообщить об опечатке

Текст, который будет отправлен нашим редакторам: