Ҳамлагари аргентинӣ Лионел Месси, ки чанде пеш тарки “ПСЖ” карда, ба дастаи “Интер Майами” гузариш кард ба ҳамдастааш Килиан Мбаппе маслиҳат додааст, то ба “Реал Мадрид” гузариш кунад.
«Ман мехостам, ки ту ба «Барселона» гузариш кунӣ, вале агар ту ба «Реал Мадрид» рафтан хоҳӣ, пас онро амалӣ кун! Ту дарвоқеъ арзандаи лоиҳаи ҳақиқӣ ҳастӣ. Ту — ғолиб ҳастӣ», — иқтибос меорад аз суханони Месси нашрияи Defensa Central.
Пештар маълум гардид, ки Мбаппе аз ҳаққи ба таври худкор тамдидшавии шартнома бо «ПСЖ» дар мавсими 2024/2025 даст кашидааст ва тобистони соли 2024 метавонад футболбози озод шавад.
Аз рӯи маълумоти расонаҳои хабарӣ ҳамлавари фаронсавӣ аллакай дар ин равзанаи тобистонаи трансферӣ мехоҳад ба «Реал» гузариш намояд. Худи Мбаппе тасдиқ мекунад, ки мавсими ояндаро дар «ПСЖ» мегузаронад. Ҳоло бошад, тибқи иттилои ВАО бошгоҳи “Реал Мадрид” омодааст, ки бо арзиши 250 млн евро Мбапперо тобистони имсол ба ҳайати бошгоҳ ҷалб намояд.
Манбаъ: Варзиш-ТВ
Нет комментариев