Дар Хуҷанд мумфаршкунии роҳи маҳаллӣ оғоз гардид

0
697 просмотров

Дар кӯчаҳои Солеҳ ва Зариф Раҷабовҳо ва Шариф Раҷабови маҳаллаи «Раззоқ»-и шаҳри Хуҷанд мумфаршкунии роҳ шуруъ гардид. Дар маросими оғози кор Раиси вилояти Суғд Раҷаббой Аҳмадзода, пирони рўзгордида ва дигар фаъолони маҳалла иштирок намуданд, хабар доданд ба АМИТ «Ховар» дар Хадамоти матбуоти Раиси вилояти Суғд.

Иттилоъ дода шуд, ки роҳи кӯчаҳои Солеҳ ва Зариф Раҷабовҳо ва Шариф Раҷабови шаҳр беш аз 1 километр буда, дар маҷмуъ 3600 метри квадратиро ташкил медиҳад. Фармоишгар Мақомоти иҷроияи ҳокимияти давлатии шаҳри Хуҷанд ва пудратчии корҳо Идораи роҳсозии ин шаҳр мебошад.

Имрўзҳо бунёду навсозии роҳҳои мошингард дар заминаи дастуру супоришҳои Президенти Ҷумҳурии Тоҷикистон муҳтарам Эмомалӣ Раҳмон бо руҳия ва ҳисси баланди миллӣ анҷом дода мешаванд.

Дар суҳбат бо сокинон Раиси вилояти Суғд изҳор дошт, ки бо дастур ва раҳнамоиҳои Пешвои муаззами миллат муҳтарам Эмомалӣ Раҳмон ҷиҳати сазовор пешвоз гирифтани Рўзи Ваҳдати миллӣ ва 35-солагии Истиқлоли давлатии Ҷумҳурии Тоҷикистон дар қаламрави шаҳру навоҳии вилоят бунёди садҳо адад иншооти таъйиноташ гуногун бомаром идома дорад.

Дар навбати худ сокинони маҳаллаи «Раззоқ»-и шаҳр аз ин иқдоми созандаи давлату Ҳукумати мамлакат истиқбол намуда, аз ҷумла таъкид доштанд, ки дар ин иқдоми созандагию ободкориҳо канор наистода, бо ҳамраъйии дастҷамъона диёри хешро то 35-солагии Истиқлоли давлатии Ҷумҳурии Тоҷикистон боз ҳам ободу пешрафта менамоянд.

Манбаъ: АМИТ «Ховар»

Нет комментариев

Также рекомендуем

Испытан баллистическая ракета Prahaar

Индия провела успешные испытания тактической баллистической ракеты Prahaar. Об этом сообщает ТАСС со ссылкой на информационное агентство «IANS». Пуск ракеты был произведен на полигоне в ...

Сообщить об опечатке

Текст, который будет отправлен нашим редакторам: