Мулоқоти Аҳтам Абдуллозода бо фаъолон ва ҷавонони шаҳри Хуҷанд

0
1 721 просмотров

Дар доираи сафари кории худ раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон Аҳтам Абдуллозода санаи 9.07.2019 бо фаъолон ва ҷавонони шаҳри Хуҷанд силсилаи мулоқоту нишастҳо анҷом медиҳад.

Аз ҷумла, бо иштироки мавсуф ва ҷавонони фаъоли шаҳр ҳамоиши стипендиатони Президентӣ, намоиши ҳунарҳои мардумӣ, барномаи фарҳангиву фароғатӣ, қадрдонии ғолибони озмунҳо, конференсияи илмӣ назариявӣ дар мавзўи “Дастгириҳои Пешвои миллат ва дастовардҳо дар самти сиёсати давлатии ҷавонон дар давраи соҳибистиқлолӣ” сурат гирифта, ҷавонони имконияташон маҳдуд ва камбизоати шаҳри Хуҷанд мавриди аёдат қарор дода мешаванд.

          Ҳамчунин аксияҳои тарғиботии «Ҷавонон пайрави Пешвои миллат», «Барои Тоҷикистони соҳибистиқлол содиқона хизмат мекунам», «Солимии ҷавонон – солимии миллат», «Мо ҷавонон амалҳои ифротиро маҳкум мекунем» ва «Зиннату ҳусни ҷавонист чакан» гузаронида шуда, баргузории мизи мудаввар дар мавзўи «Нақши ҷавонон дар тарғиби ғоя ва арзишҳои миллӣ» ва тамошои дастаҷамъонаи филми ҳуҷҷатии “Марди роҳ” дар Кохи “Суғдиён” бо иштироки ҷавонони касбу кори гуногун пешбинӣ гардидааст.

Манбаъ:Дафтари матбуоти Раиси шаҳри Хуҷанд

Нет комментариев

Также рекомендуем

Сообщить об опечатке

Текст, который будет отправлен нашим редакторам: