Samsung бо Android хайрбод мекунад: смартфонҳои ширкат ба системаи оператсионии Google Fuchsia мегузаранд

0
452 просмотров

Ин маълумотро якбора ду манбаъ тасдиқ карданд

Google Fuchsia — системаи оператсионӣ барои доираи васеи дастгоҳҳо тарҳрезӣ шудааст ва бартариятҳои зиёдеро нисбат ба Android пешниҳод мекунад.
Ҳанӯз дар моҳи май овозае паҳн шуда буд, ки Samsung метавонад аз Android даст кашад ва ба системаи оператсионии Google Fuchsia гузарад. Таҳлилгар Дохюн Ким имрӯз тасдиқ кард, ки Samsung воқеан ба фуксия мегузарад, аммо ҳушдор дод, ки ин чанд сол лозим аст. Ҷолиб он аст, ки ин маълумотро як инсайдери боэътимоди онлайн бо лақаби Ice Universe, ки дар шӯъбаи таҳқиқот ва рушди Samsung манобеъи худро дорад, тасдиқ кардааст.

Google ҳадди аққал аз соли 2016 дар болои системаи оператсионии кушодаи Fuchsia кор мекунад. Дар охири моҳи май, дисплейи интеллектуалии насли якуми Nest Hub аввалин маҳсулоте гардид, ки навсозии Fuchsia-ро гирифтааст. Ин системаи оператсионӣ барои доираи васеи дастгоҳҳо тарҳрезӣ шудааст ва бартариятҳои зиёдеро нисбат ба Android, ба монанди осонии навсозӣ пешниҳод мекунад. Манбаъ менависад, ки Google мехоҳад системаи амалиётии насли ояндаи худро ба як қатор дастгоҳҳои дигар тавсеа диҳад.

Дар соли 2018 Bloomberg хабар дод, ки Google дар назар дорад, ки дастгоҳҳои Android, аз ҷумла смартфонҳои Pixel ба Фуксия интиқол диҳад. Он вакт гуфта мешуд, ки ичрои накша бояд такрибан панч сол кашол ёбад.

Дар баъзе мавридҳо, Samsung ва Google дар таҳияи Фуксия ҳамкорӣ карданд. Бузургҷуссаи ҷустуҷӯ инчунин як гурӯҳеро бо номи Fuchsia Devices таъсис додааст, то OS-ро ба дастгоҳҳои ғайри Google интиқол диҳад.

Дар асоси маводи: www.ixbt.com

Нет комментариев

Также рекомендуем

Қурби расмии асъор барои имрӯз: 20.01.2020

Бонки миллии Тоҷикистон имрӯз қурби асъори хориҷиро нисбат ба сомонӣ (асъори миллии Тоҷикистон) чунин муқаррар кардааст: 1 доллари ИМА — 9.6927 сомонӣ; 1 евро – ...

Сообщить об опечатке

Текст, который будет отправлен нашим редакторам: