Шиносоии Раиси вилоят бо раванди бунёдкориҳо дар шаҳри Хуҷанд

0
470 просмотров

Дар партави дастуру ҳидоятҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо мақсади дастгирии мутахассисони ҷавон ва таъмин намудани онҳо бо хонаҳои хизматӣ бо ибтикори мақомоти иҷроияи ҳокимияти давлатии вилоят дар маркази вилоят бинои истиқоматии баландошёна бунёд гардида истодааст.

Бунёди бинои истиқоматии хизматӣ бо ташаббуси Раиси вилоят Раҷаббой Аҳмадзода роҳандозӣ гардида, тасмим гирифта шудааст, ки дар оянда дар дигар шаҳрҳои вилоят низ чунин биноҳо сохта шавад. Зимни шиносоӣ бо ҷараёни сохтмони бинои мазкур Раиси вилоят ба масъулин супориш дод, ки раванди корҳоро назорат намоянд то бино бо сифати баланд сохта шавад. Таъкид карда шуд, ки бинои истиқоматии баландошёна барои кадрҳои ҷавоне, ки дар соҳаҳои хизмати давлатӣ, мақомоти ҳифзи ҳуқуқ, маорифу тандурустӣ фаъолият дошта, ба манзил ниёз доранд, бо қарори комиссияи махсусе, ки таъсис меёбад, ҷудо карда мешавад.

Дар идомаи боздид роҳбари вилоят дар маҳаллаи Мевағул сохтмони ду бинои баландошёнаи истиқоматиро мавриди таваҷҷуҳ қарор дод. Биноҳои истиқоматӣ аз ҷониби соҳибкорон сохта шуда, дар ошёнаҳои якуми он марказҳои савдою хизматрасонӣ ташкил мегардад, ки дар натиҷа 20 нафар соҳиби ҷойи корӣ мегарданд.

Раиси вилоят ҳамзамон бо корҳои сохтмонӣ дар Маркази савдо ва хизматрасонии «Амид» шинос гардид. Дар ин марказ дар баробари ба фурӯш гузоштани маводи зарурии рӯзгор ҳамзамон ташкили сехи коркарди ширу гӯшт, истеҳсоли ҳасиб, қаннодӣ ва шириниҳо дар назар гирифта шудааст, ки тибқи маълумоти масъулин то 100 нафар бо кор таъмин хоҳанд шуд.

Раҷаббой Аҳмадзода ба масъулин барои дар сатҳи баланд ба итмом расонидани корҳои сохтмонӣ супоришҳо дода, таъкид кард, ки бо истифода аз имкониятҳо ҳарчи бештар ҷойҳои корӣ таъсис дода шавад.

Манбаъ: Хадамоти матбуоти Раиси вилояти Суғд

Нет комментариев

Также рекомендуем

Сообщить об опечатке

Текст, который будет отправлен нашим редакторам: