Футболбози португалӣ Криштиану Роналду аз рӯи голҳои бо сар дар бозиҳои расмӣ задашуда рекорд гузошт. Дар ин бора нашрияи 433 хабар додааст.
Тибқи иттилои манбаъ, Роналду дар бозии расмии марҳилаи гурӯҳии Ҷоми қаҳрамонҳои бошгоҳҳои араб бо дастаи “Монастир”-и Тунис (4:1) голи 145-умашро бо сар ба самар расонида, рекорд гузошт. Аз рӯи ин нишондод ӯ собиқ ҳамлагари тими миллии Олмон Герд Мюллерро, ки бо сари худ 144 гол зада буд, гузашт. Ҷойи сеюмро Карлос Сантиляна (125) испанӣ ишғол мекунад.
Ёдовар мешавем, ки Роналду ним сол боз дар чемпионати Арабистони Саудӣ бозӣ мекунад ва пас аз интиқолҳои пурсарусадои тобистон ҳамчунон бозингари сердаромад дар лига боқӣ мемонад. 2 –юми январи соли ҷорӣ ӯ бозигари тими “Ал-Наср” шуд ва тибқи шартнома бо он соле 200 миллион евро маош мегирад.
Манбаъ: Варзиш-ТВ
Нет комментариев