Теъдоди ҳалокшудагон дар Туркия ба 2921 нафар расид

0
413 просмотров

Теъдоди ҳалокшудагони заминларзаи харобиовар дар ҷануби Туркия ба 2921 нафар расид, иттилоъ  медиҳад хабаргузории  “Trend” бо истинод ба «Анадолу».

Ба гуфтаи роҳбари Раёсати ҳолатҳои фавқулодаи Туркия (AFAD) Юнус Сезар, бар асари заминларза 15 ҳазору 834 нафари дигар ҷароҳат бардоштаанд.

Қаблан ноиби президенти Туркия Фуат Октой гуфта буд, ки дар маҷмӯъ 7840 нафар аз зери харобаҳо зинда наҷот дода шуданд.

Ӯ афзуд, ки 338 000 нафар дар хобгоҳҳо, донишгоҳҳо ва паноҳгоҳҳо ҷойгир  карда шудаанд.

Хотиррасон мешавем, ки субҳи 6 феврал дар ҷанубу шарқи Туркия заминларзаи 7,7 дараҷа ба вуқуъ пайваст.

Манбаи заминларза бо маркази он дар минтақаи Пазарҷики вилояти Қаҳрамонмараш дар умқи 7 километр ҷойгир будааст. Дар вилоятҳои Ҳатай, Газиантеп, Килис, Османия, Малатия, Адияман, Шанлиурфа, Диёрбекир, Одона ва Қаҳрамонмараш харобиҳои ҷиддӣ ба амал омадаанд.

Манбаъ: АМИТ «Ховар»

Нет комментариев

Также рекомендуем

Сообщить об опечатке

Текст, который будет отправлен нашим редакторам: