Ҳаҷми маҳсулот ба маблағи 12 млрду 766 млн сомонӣ

0
45 просмотров

Мақомоти иҷроияи ҳокимияти давлатии вилояти Суғд дар ёздаҳ моҳи соли равон ҷиҳати иҷрои дастуру супоришҳои Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва бо мақсади тавсеаи нуфузи вилоят ҳамчун минтақаи саноатии мамлакат, инчунин таъмин намудани рушди босуръати соҳаи пешбарандаи иқтисодиёти вилоят — соҳаи саноат тадбирҳои судмандро роҳандозӣ намуд.

Дар натиҷа рушди босуръати соҳаи саноат таъмин гардида, саҳми он дар ташаккули маҷмўи маҳсулоти минтақавӣ тадриҷан зиёд шуда истодааст. Ҳаҷми маҷмўи маҳсулоти минтақавии вилоят дар моҳҳои январ — сентябри соли 2018 ба 12 миллиарду 766,2 миллион сомонӣ расида, ҳиссаи истеҳсолоти саноатӣ дар сохтори маҷмўи маҳсулоти минтақавӣ 32,1 фоизро ташкил дод.

Ҳиссаи соҳаи саноати вилоят дар ташаккули ҳаҷми маҳсулоти саноатии ҷумҳурӣ хеле назаррас буда, ҳаҷми истеҳсоли маҳсулоти саноатӣ дар моҳҳои январ — ноябри соли 2018 ба 10 миллиарду 300,8 миллион сомонӣ расонида шуд, ки баробари 108,7 фоизи ҳамин даври соли сипарӣ мебошад.

Истеҳсоли намудҳои асосии маҳсулоти саноатӣ нисбат ба ҳамин даври соли 2017 барзиёд таъмин карда шуд. Ба иттилои масъулини соҳаи саноат дар натиҷаи андешидани чораҳои муассир дар самти истеҳсоли маҳсулоти воридотивазкунанда натиҷаҳои назаррас ба даст омад. Аз ҷумла, дар моҳҳои январ — ноябри соли 2018 истеҳсоли орд ба 228,3 ҳазор тонна, равғани растанӣ ба 3401,4 тонна, нон ва маҳсулоти нонӣ ба 63,7 ҳазор тонна ва нўшокиҳои беспирт ба 4,7 миллион декалитр расонида шуд. Истеҳсоли либосҳои мактабӣ ба теъдоди 390765 адад таъмин гардид, ки нисбат ба соли қаблӣ 113164 адад зиёд мебошад.

Дар самти истеҳсоли маҳсулоти ба содирот нигаронидашуда, бахусус коркарди маҳсулоти кишоварзӣ пешравиҳо назаррасанд. Аз ҷумла, истеҳсоли консерваҳои меваю сабзавот ба 17 миллион қуттии шартӣ баробар шуда, суръати афзоиш 102,8 фоиз таъмин гардид. Истеҳсоли ангиштсанг нисбат ба соли гузашта 150 ҳазор тонна афзуда, дар ёздаҳ моҳи соли равон ба 1,6 миллион тонна расонида шуд.

Ба истиқболи ҷашни 30-солагии Истиқлолияти давлатии Ҷумҳурии Тоҷикистон дар вилоят бунёди 170 корхонаву коргоҳҳои саноатӣ бо 4915 ҷойи нави корӣ ба нақша гирифта шудааст. Аз ҷумла, дар соҳаи истеҳсоли масолеҳи соҳтмон 67 корхонаву коргоҳ, дар соҳаҳои саноати сабук 38, хўрокворӣ 49, кимиё ва коркарди нафт 6, мошинсозӣ, коркарди фулузот ва электротехника 5, металлҳои ранга 3 ва сўзишворӣ 2 корхона бунёд карда мешавад.

Дар соли 2018 ба истифода додани 88 корхонаву коргоҳи нави саноатӣ ба нақша гирифта шуда, дар натиҷаи тадбирҳои андешидашуда давоми ёздаҳ моҳи соли 2018 дар миқёси вилоят 88 корҳонаву коргоҳи нав бо 1406 ҷойи нави корӣ ба фаъолият шурўъ намуданд.

Манбаъ: Хадамоти матбуоти Раиси вилояти Суғд

Нет комментариев

Также рекомендуем

Как Манижа выступила на крыше в Москве

Концерт популярной певицы таджикского происхождения Манижи прошел в рамках летнего фестиваля Roof Music Fest Певица Манижа выступила на крыше одно из московских в рамках летнего фестиваля Roof Music ...
%d такие блоггеры, как: