Хуҷанд — узви Ташкилоти байналхалқии «Роҳи абрешим»

0
44 просмотров

Шаҳри Хуҷанд аз тарафи Палатаи савдо ва саноати ташкилоти байналхалқии «Роҳи абрешим» ба узвияти комилҳуқуқ пазируфта шуд.

Дар ин бора гувоҳномаи узвият аз ҷониби ин ташкилоти бонуфузи умумиҷаҳонӣ ирсол гардид, ки он рӯзи гузашта аз ҷониби Раиси вилоят Раҷаббой Аҳмадзода ба роҳбарияти шаҳри Хуҷанд супорида шуд.

Шаҳри Хуҷанд метавонад бо узвияташ дар Палатаи савдо ва саноати ташкилоти байналхалқии «Роҳи абрешим» аз имконот ва захираҳои шаҳрҳои узви  он васеъ истифода барад ва равобити тиҷоратии хешро тавсеа бахшад.

Бояд қайд намуд, ки Палатаи савдо ва саноати ташкилоти байналхалқии «Роҳи абрешим»  дар соли 2015 дар минтақаи махсуси Гонконг таъсис дода шуда, он ширкатҳои бузургтарини 36 давлатро муттаҳид месозад.

Манбаъ: Дафтари матбуоти Раиси шаҳри Хуҷанд

Нет комментариев

Также рекомендуем