Имсол маҳаллаи «Темурмалик» соҳиби нахустин кӯдакистон хоҳад шуд

0
338 просмотров

Имсол маҳаллаи «Темурмалик» соҳиби нахустин кӯдакистон хоҳад шуд.Соли равон тибқи нақшаи тасдиқгардида дар маркази вилоят ба истифода додани чанд иншоотҳои иҷтимоӣ аз ҷумла кӯдакистонҳо дар назар аст. Раиси шаҳри Хучанд Раҷаббой Аҳмадзода ҳамроҳи масъулини идораи сохтмони асосии шаҳр аз рафти корҳои сохтмонии кӯдакистони маҳаллаи ба номи «Темурмалик» дидан намуд. Сохтмони боғчаи мазкур дар асоси бинои собиқ кӯдакистони Идораи таҷҳизоти гази шаҳри Хуҷанд, ки таи 20 соли охир аз фаъолият бозмонда буд, бунёд меёбад.

Баъди муроҷиати сокинон доири таъмини кудакони маҳаллаи ба номи «Темурмалик» бо боғчаи бачагона, дар асоси Қарори Раиси шаҳри Хуҷанд бинои мазкур ба тавозуни Идораи маорифи шаҳр гузаронида шуда, барои азнавсозии он зиёда аз 4 миллион сомонӣ маблағ ҷудо гардид. Раиси шаҳр аз иҷроиш ва сифати корҳо изҳори қаноатмандӣ намуда, дастур дод, ки боғчаи мазкур бояд ба тамоми талаботи имрӯзаи таълиму тарбияи кӯдакон мувофиқ бошад. Ҳамчунин супориш дода шуд, ки бо истифода аз ҳавои мусоид барои сабзпӯш намудани атрофи боғча, шинондани дарахтони сояафкан ва мевадор, истифодаи самараноки замини вобасташуда барои бунёди майдончаҳои муосири фароғати кӯдакон, тамоми чораҳо андешида шаванд.Боғчаи бачагона барои 400 нафар кӯдакон пешбинӣ шуда, то интиҳои нимсолаи аввали соли ҷорӣ мавриди истифода қарор хоҳад гирифт. Дар ин бора khujand.tj хабар медиҳанд.

Нет комментариев

Также рекомендуем

Лукаку уничтожил Панаму а Кейн Тунис

Лучшие среди не фаворитов – так воспринимают сборную Бельгии. Согласно котировкам букмекеров именно бельгийцы окажутся первыми в группе, а не англичане. И уже начало матча ...