Истифодабарандагони амрикоӣ майли харидорӣ намудани Apple Watch -ро надоранд

0
167 просмотров

Бисёре аз таҳлилгарон пешгӯӣ мекарданд ва пешгӯӣ мекунанд, ки соатҳои смарти Apple ояндаи дурахшон доранд, лекин истифодабарандагони амрикоӣ барои ба даст овардани гаҷети нави Apple ҳоло ҳам онқадар ҳавасманд нестанд. Бино пурсиши  Reuters гузаронидашуда, 69% пурсидашудагон нияти харидани Apple Watch-ро надоранд ва танҳо чоряки иштирокчиёни омӯзиш бо назардошти имконият, харидории онро дар нақша доранд. Боқимонда пурсидашудагон барои ҷавоб додан ба ин савол мушкилӣ кашиданд. Дар пурсиш ҳамагӣ 1245 нафар амрикоӣ  иштирок намуданд. Пурсиш  инчунин сатҳи нокифояи огоҳии амрикоиҳоро оид ба Apple Watch нишон дод.

Ҷомеашиносон равшан намуданд, ки танҳо нисфи иштирокчиёни пурсиш маълумотеро дар бораи соатҳои Apple дар рӯзҳои аввали баъд аз чорабинии расмии ширкат  шуниданд, ки дар онҷо тафсири ниҳонии Apple Watch-ро муаррифӣ намуда буданд.

Ниҳоят,  танҳо 13 % аз шумори иштирокчиён, ки соҳиби смарфтонҳои Apple намебошанд, барои ба даст овардани соатҳои “доно”-и Watch изҳори нияти харидори намудани iPhone-ро намуданд.

Хотиррасон мекунем, ки  фурӯши соатҳои Apple Watch аз 24 апрел дар Австралия, Британияи Кабир, Олмон, Гонконг, Канада, Хитой, ИМА, Фаронса ва Ҷопон оғоз мегарданд. Арзиши Apple Watch аз 349 то 10 ҳазор доллар вобаста аз андозаи экран, масолеҳи тана ва масолеҳи дастпона мебошад.

Ҳамин тавр, Apple Watch Sport ба харидорон 349 ва 399 доллар арзиш  мефарояд, Apple Watch бошад бо танаи аз пӯлоди зангногир ва шишаи сарпӯши ёқутӣ  омода шуда, аз 549 то 1099 доллар арзиш дорад. Нархи тафсири истисноии Apple Watch Edition бо танаи тиллоӣ 10 ҳазор доллар мебошад.

Тибқи дурнамои гуногун, то охири сол Apple метавонад аз 10 то 32 миллион соатҳои смарти худро фурӯшад.

 

Сарчашмаи истифодашуда: http://hitech.newsru.com/article/16mar2015/appwatch

 

Нет комментариев

Также рекомендуем