Оғози сохтмони боз як чорсӯи нақлиётии сесатҳа

0
4 950 просмотров

Аз 26  феврали соли 2018   дар  буриши ҳалқаи  хиёбони  И.Сомонӣ  бо хиёбони  А.Сино,  дар буриши хиёбону кӯчаҳои И.Сомонӣ, А.Сино, Н.Махсум, Баҳоваддинов  ва Маяковскийи ноҳияи Сино  (сохтмони роҳ бо пул дар ду сатҳ дар буриши хиёбони Н.Махсум бо кӯчаи Маяковский, сохтмони роҳ бо пул дар ду сатҳ дар буриши хиёбони Н. Махсум бо кӯчаи Баҳоваддинов) бо назардошти шурӯъ гардидани  корҳои сохтмони  чорсӯи  нақлиётии сесатҳа  ҳаракати воситаҳои нақлиёти автомобилӣ муваққатан манъ карда мешавад. Дар ин бора қарори Раиси шаҳри Душанбе  ба тасвиб расида,  тибқи он  МДК «Душанбенақлиётхизматрасон», шуъбаи Бозрасии давлатии автомобилии Раёсати Вазорати корҳои дохилии Ҷумҳурии Тоҷикистон дар шаҳри Душанбе, Раёсати Хадамоти давлатии назорат ва танзим дар соҳаи нақлиёт дар шаҳри Душанбе вазифадор гардидаанд, ки ҳаракат ва танзими оқилонаи нақлиёти автомобилии мусофирбари истифодаи умум ва дигар воситаҳои нақлиётро дар хиёбону кӯчаҳои ҳамшафат  ба роҳ монанд. Ҳамчунин аз Вазорати нақлиёти Ҷумҳурии Тоҷикистон дархост карда шуд, ки якҷо бо Маркази татбиқи лоиҳаи таҷдиди роҳҳо ва  шуъбаи Бозрасии давлатии автомобилии Раёсати Вазорати корҳои дохилии Ҷумҳурии Тоҷикистон дар шаҳри Душанбе гузоштани  аломатҳои роҳ ва дигар лавҳаҳои иттилоотию огоҳкунандаро барои ронандагони воситаҳои нақлиёти автомобилӣ таъмин намуда, баҳри танзими ҳаракати  мунтазами онҳо роҳҳои ҳамшафати хиёбону кӯчаҳои  мазкурро  тибқи  тартиби муқарраргардида ба низоми муайян дароранд. Аз роҳбарони корхона, идора, муассиса, ташкилот ва субъектҳои хоҷагидоре, ки дар ҳудуди шаҳри Душанбе фаъолият доранд, хоҳиш карда шавад, ки ҷиҳати сари вақт кӯчонидани хатҳои мавҷудаи муҳандисии зери иншооти зикршуда ба фармоишгар — Вазорати нақлиёти Ҷумҳурии Тоҷикистон ҳамаҷониба мусоидат намоянд.

 

Манбаъ: сомонаи расмии АМИТ «Ховар»

 

 

Нет комментариев

Также рекомендуем

Шаҳри Хуҷанд рушд меёбад

Мувофиқи нақшаи тасдиқгардида шастии матбуотии Раиси шаҳри Хуҷанд Шариф Шарифзода бо намояндагони воситаҳои ахбори омма доир гардид. Мувофиқи нақшаи тасдиқгардида шастии матбуотии Раиси шаҳри Хуҷанд Шариф ...