Вусъат бахшидани муносибатҳои тиҷоратию иқтисодӣ миёни Тоҷикистон ва Австрия 

0
353 просмотров

Дар Палатаи савдо ва саноати Ҷумҳурии Тоҷикистон зимни вохӯрии муовини Раиси Палатаи савдо ва саноат Манзура Рустамова бо муовини раиси шаҳри Клагенфурти Австрия Алоис Долинар имконоти нави муносибатҳои тиҷоратию иқтисодии доираҳои тиҷоратии Тоҷикистон ва Австрия баррасӣ гардиданд, хабар доданд ба АМИТ «Ховар» дар Палатаи мазкур.

Зимни вохӯрӣ зикр гардид, ки Палатаи савдо ва саноати Тоҷикистон ҳамасола чорабиниҳои муҳимро доир ба дастгирии соҳибкорони ватанӣ доир мекунад. Соли 2021 зиёда аз 80 чорабинӣ, аз ҷумла намоишгоҳҳо, форумҳои тиҷоратӣ, миссияҳои тиҷоратӣ ва ғайра гузаронида, иштироки соҳибкорони ватанӣ дар намоишгоҳҳои хориҷи кишвар таъмин карда шуд.

Тибқи нақшаи кори Палатаи савдо ва саноати Ҷумҳурии Тоҷикистон, имсол баргузории якчанд чорабиниҳои муҳим, аз қабили намоишгоҳҳои универсалӣ ва касбӣ, форумҳои тиҷоратӣ, намояндагиҳои тиҷоратӣ, пайдо кардани шарикон барои рушди соҳибкорӣ, ки ба татбиқи Солҳои  рушди саноат дар Ҷумҳурии Тоҷикистон мусоидат менамоянд, дар назар аст.

Ҳамчунин зикр гардид, ки соли 2013 миёни Палатаи савдо ва саноати Ҷумҳурии Тоҷикистон ва Палатаи федеролии иқтисодии Австрия Ёддошти тафоҳум ба имзо расида буд. Дар ин асос айни замон мубодилаи иттилоот идома дорад.

Манзура Рустамова таваҷҷуҳи Алоис Долинарро ба масъалаҳои густариши ҳамкории бахши хусусии Ҷумҳурии Тоҷикистон ва шаҳри Клагенфурт ҷалб намуда, пешниҳод кард, ки ояндаи наздик дар Тоҷикистон ва Клагенфурт намояндагиҳои тиҷоратӣ ташкил карда шаванд ва ҳамчунин аз шаҳри Клагенфурт даъват карда шуд, ки доираҳои соҳибкориро ҷиҳати иштирок дар намоишгоҳҳои дар Ҷумҳурии Тоҷикистон ташкилшаванда ҷалб намоянд. Пешниҳод карда шуд, ки ба ин муносибат тақвими намоишгоҳҳо дар Ҷумҳурии Тоҷикистон барои соли 2022 табодули назар карда шавад.

Бо мақсади шиносоии бахши хусусии шаҳри Клагенфурт бо фазои сармоягузории Ҷумҳурии Тоҷикистон муовини Раиси Палата ба  меҳмонон дар бораи флеш-корти нави таҳияшудаи «Роҳнамои тиҷоратии Ҷумҳурии Тоҷикистон», ки дар вебсайти Палатаи савдо ва саноат ҷойгир карда шуда, дорои маълумоти зиёди муфид оид ба Тоҷикистон аст, маълумот дод.

Алоис Долинар ба муовини Раиси Палатаи мазкур барои маълумоти пешниҳодшуда изҳори сипос намуда, омодагии худро барои дастгирии он изҳор намуд.

Дар фарҷоми мулоқот ҷонибҳо ба мувофиқа расиданд, ки миёни бахшҳои хусусии ду кишвар имконот ва зарфияти истифоданашудаи зиёд вуҷуд доранд ва дар робита ба ин, омодагии худро барои амалӣ намудани ташаббусҳое, ки ба рушди ҳамкории тиҷоратӣ миёни бахшҳои хусусии Тоҷикистон ва Клагенфурт мавҷуданд, равона мекунанд.

Манбаъ: АМИТ «Ховар»

Нет комментариев

Также рекомендуем

Официальный курс валюты на 15.10.2018

Национальный банк Таджикистана (НБТ) 15.10.2018 года с целью бухгалтерского учета и оплаты таможенной пошлины определил официальный курс иностранной валюты по отношению к сомони. 1 доллар США ...

Сообщить об опечатке

Текст, который будет отправлен нашим редакторам: