Дар доираи бозиҳои даври аввали марҳилаи нимниҳоии Лигаи Чемпионҳо дастаҳои “Милан” ва “Интер” дар ҳузури 75 532 нафар мухлис ба ҳам омаданд. Вохӯрии дастаҳо дар варзишгоҳи «Ҷузеппе Меатса» -и шаҳри Милан доир шуда, бо ҳисоби 0 бар 2 ба суди меҳмонон анҷом ёфт.
Голҳоро дар ин бозӣ аз ҳайати “Интер” – Эдин Ҷеко ва Генрих Мхитарян ба самар расониданд.
Дар ин бозӣ меҳмонон нисбат ба мизбонон хуб бозӣ карданд. Дар идора кардани тӯб ва зарбаҳои мустақим ҷониби дарвозаи рақиб дастпарварони Симоне Индзаги аз рақиб дида, бартарият доштанд. Ҳамчунин, бо ба самар расонидани гол Мхитарян аввал футболбози арманӣ шуд, ки дар даври нимниҳоии Лигаи Чемпионҳо гол задааст.
Ёдовар мешавем, ки дар як ҷуфти дигари даври нимниҳоии Лигаи Чемпионҳо «Реал Мадрид» дар майдони худ бо «Манчестер Сити» мусовӣ 1 бар 1 бозӣ кард. Ин вохӯрӣ рӯзи 9 май баргузор шуд. Бозии ҷавобӣ 17 май доир мешавад.
Лигаи Чемпионҳо | Даври нимниҳоӣ
«Милан» – «Интер» 0:2
Голҳо: Ҷеко, 8, Мхитарян, 11
«Милан»: Менян, Эрнандес, Томори, Кйер (Тиав 59), Калабрия (Калулу 82), Тонали, Крунич, Салемакерс (Ориги 60), Беннасер (Мессиас 18), Диас (Побега 82), Жиру
«Интер»: Онана, Бастони, Ачерби, Дармиан, Димарко (де Врей 71), Думфрис, Мхитарян (Брозович 63), Чалханоглу (Галярдини 78), Барелла, Ҷеко (Лукаку 70), Мартинес (Корреа 78)
Огоҳӣ гирифт: Крунич, Томори – Мхитарян
Манбаъ: Варзиш-ТВ
Нет комментариев