Маҷаллаи англисии FourFourTwo феҳристи беҳтарин футболбозонро дар таърихи дастаи «Манчестер Юнайтед»-ро нашр кард, ки ҳамлагари португалӣ Криштиану Роналду ба даҳгонаи беҳтарин футболбозони таърихи дастаи “Манчестер Юнатед” шомил нашудааст.
Дар ҷои аввал қаҳрамони ҷаҳон дар соли 1966 дар ҳайати дастаи Англия , барандаи ҷоизаи “Тӯби тиллоӣ” — Сэр Бобби Чарлтон аст, ки дар 606 бозӣ дар ҳайати «девҳои сурх» 199 гол дар ҳисоб дорад. Мавриди зикр аст, ки Сэр Боби Чарлтон чанд рӯз пеш, дар синни 86 солагӣ даргузашта буд.
Барандаи ҷоизаи “Тӯби тиллоӣ” — Ҷорҷ Бест бо 143 гол дар 360 бозӣ дар ҷои дуюм аст. Дар мавқеи сеюм нимҳимоятгари собиқи бошгоҳ Брайан Робсон аст, ки 12 сол (1982-1994) капитани тим буд. Ӯ 69 гол дар 339 бозӣ дар ҳисоб дорад.
Дигар бозигарон — Эрик Кантона дар ҷои чаҳорум, Денис Лоу дар ҷои панҷум, Уэйн Руни дар зинаи шашум, Райан Гиггз дар зинаи ҳафтум, Дункан Эдвардс дар зинаи ҳаштум, Петр Шмейхел дар зинаи нуҳум ва Пол Скоулз дар зинаи даҳум маскан гирифтаанд.
Манбаъ: Варзиш-ТВ
Нет комментариев